ਵਿਜੀਲੈਂਸ ਦਫ਼ਤਰ ਦੇ ਬਾਹਰ IAS ਤੇ PCS ਅਧਿਕਾਰੀਆਂ ਦੇ ਪੁਤਲਿਆਂ ਦੇ ਗਲ਼ੇ ‘ਚ ਜੁੱਤੀਆਂ ਦੇ ਹਾਰ ਪਾ ਕੇ ਕੀਤੀ ਨਾਅਰੇਬਾਜ਼ੀ

ਮੋਹਾਲੀ : ਵਿਜੀਲੈਂਸ ਬਿਊਰੋ ਦੇ ਦਫ਼ਤਰ ਅੱਗੇ ਪੰਜਾਬ ਅਗੇਂਸਟ ਕੁਰੱਪਸ਼ਨ ਦੇ ਮੈਂਬਰਾਂ ਤੇ ਪਲਾਟਾਂ ਦੇ ਘਪਲ਼ੇ ਦੇ ਪੀੜਤਾਂ ਨੇ ਧਰਨਾ ਦਿੱਤਾ। ਇਸ ਦੌਰਾਨ ਸਤਨਾਮ ਦਾਊ ਨੇ ਆਈਏਐੱਸ ਤੇ ਪੀਸੀਐੱਸ ਅਧਿਕਾਰੀਆਂ ਦੇ ਪੁਤਲਿਆਂ ਦੇ ਗਲਾਂ ‘ਚ ਜੁੱਤੀਆਂ ਦੇ ਹਾਰ ਪਾਕੇ ਨਾਅਰੇਬਾਜ਼ੀ ਕੀਤੀ ਤੇ ਰਹਿੰਦੇ ਮੁਲਜ਼ਮਾਂ ਖ਼ਿਲਾਫ਼ ਕਾਰਵਾਈ ਕਰਨ ਦੀ ਮੰਗ ਕੀਤੀ। ਆਗੂਆਂ ਨੇ ਕਿਹਾ ਕਿ ਪੰਜਾਬ ਸਰਕਾਰ ਇਨ੍ਹਾਂ ਨੂੰ ਤੁਰੰਤ ਪਰਚਾ ਦਰਜ ਕਰ ਕੇ ਗ੍ਰਿਫ਼ਤਾਰ ਕੀਤਾ ਜਾਵੇ। ਧਰਨੇ ‘ਚ ਸਤਨਾਮ ਦਾਊਂ, ਡਾਕਟਰ ਦਲੇਰ ਸਿੰਘ ਮੁਲਤਾਨੀ, ਡੀ ਐਸ ਪੀ ਸੇਖੋਂ, ਤਰਜਿੰਦਰ ਸਿੰਘ, ਪ੍ਰਦੀਪ ਸ਼ਰਮਾ, ਮੀਨਾਕਸ਼ੀ, ਗੁਰਦੀਪ ਡਾਕਟਰ ਸਿੰਘ, ਦਿਲਬਾਗ ਸਿੰਘ,ਦਿਲਾਵਰ ਸਿੰਘ, ਕੈਪਟਨ ਬਾਜਵਾ, ਨਵਦੀਪ ਬੋਪਾਰਾਏ, ਤੋਂ ਫਿਲਿਪਸ ਸੰਘਰਸ ਕਮੇਟੀ ਤੋਂ ਜੇ ਪੀ ਸਿੰਘ, ਜਗਤਾਰ ਸਿੰਘ, ਕੁਲਜੀਤ ਸਿੰਘ, ਪਰਮਜੀਤ ਸਿੰਘ , ਜਸਵਿੰਦਰ ਕੌਰ, ਸੁਨੀਤਾ ਰਾਣੀ, ਮਨਜਿੰਦਰ ਸਿੰਘ ਧਰਮਗੜ੍ਹ ਆਦਿ ਸ਼ਾਮਲ ਹਨ।