ਸਪਾ ਸੈਂਟਰਾਂ ’ਤੇ ਲੁਧਿਆਣਾ ਪੁਲਿਸ ਦੀ ਸਖ਼ਤੀ, ਲੜਕੇ ਲੜਕੀਆਂ ਦੀ ਨਜਾਇਜ਼ ਐਂਟਰੀ ’ਤੇ ਪੁਲਿਸ ਦੀ ਕਾਰਵਾਈ

ਲੁਧਿਆਣਾ : ਸ਼ਹਿਰ ਦੇ ਸਪਾ ਸੈਂਟਰਾਂ ਦੇ ਅੰਦਰ ਲੜਕੇ ਲੜਕੀਆਂ ਦੀ ਨਜਾਇਜ਼ ਐਂਟਰੀ ’ਤੇ ਲੁਧਿਆਣਾ ਪੁਲਿਸ ਸਖ਼ਤ ਹੁੰਦੀ ਨਜ਼ਰ ਆ ਰਹੀ ਹੈ l ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਕੁਝ ਸਪਾ ਸੈਂਟਰਾਂ ਦੀ ਆੜ ਵਿੱਚ ਲੜਕੇ ਲੜਕੀਆਂ ਨੂੰ ਨਜਾਇਜ਼ ਤੌਰ ’ਤੇ ਐਂਟਰੀ ਦੇ ਕੇ ਨਜਾਇਜ਼ ਧੰਦਾ ਕਰਵਾਇਆ ਜਾ ਰਿਹਾ ਹੈ l ਅਧਿਕਾਰੀਆਂ ਨੇ ਦੱਸਿਆ ਕਿ ਮੁਲਜ਼ਮ ਅਜਿਹਾ ਕਰ ਕੇ ਸਿੱਧੇ ਤੌਰ ’ਤੇ ਕਾਨੂੰਨ ਦੀ ਉਲੰਘਣਾ ਕਰ ਰਹੇ ਹਨl ਡੀਸੀਪੀ ਜਸਕਿਰਨਜੀਤ ਸਿੰਘ ਦੇ ਆਦੇਸ਼ਾਂ ’ਤੇ ਲੁਧਿਆਣਾ ਦੇ ਡਵੀਜ਼ਨ ਨੰਬਰ 7 ਦੀ ਪੁਲਿਸ ਨੇ ਕਾਰਵਾਈ ਕਰਦਿਆਂ ਇਲਾਕੇ ਵਿੱਚ ਪੈਂਦੇ ਰੈਡ ਕੋਰਲ ਸਪਾ ਸੈਂਟਰ, ਕੁਆਲਿਟੀ ਸਪਾ ਸੈਂਟਰ ਅਤੇ ਮੈਦਾਨਤਾਂ ਸਪਾ ਸੈਂਟਰ ਤੇ ਦਬਿਸ਼ ਦਿੱਤੀ l