ਅੰਬਾਲਾ, 27 ਦਸੰਬਰ (ਬਿਊਰੋ)- ਹਰਿਆਣਾ ਦੇ ਅੰਬਾਲਾ ਚੰਡੀਗੜ੍ਹ ਦਿੱਲੀ ਹਾਈਵੇਅ ‘ਚ ਸੋਮਵਾਰ ਸਵੇਰੇ 3 ਵਜੇ ਵੱਡਾ ਹਾਦਸਾ ਹੋ ਗਿਆ। ਇੱਥੇ ਤਿੰਨ ਟੂਰਿਸਟ ਬੱਸਾਂ ਦੀ ਆਪਸ ‘ਚ ਟੱਕਰ ਹੋ ਗਈ। ਇਸ ਹਾਦਸੇ ‘ਚ 5 ਲੋਕਾਂ ਦੀ ਮੌਤ ਹੋ ਗਈ, ਜਦੋਂ ਕਿ ਕਰੀਬ 10 ਲੋਕ ਜ਼ਖਮੀ ਹੋ ਗਏ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਬੱਸਾਂ ਕੱਟੜਾ ਤੋਂ ਦਿੱਲੀ ਵੱਲ ਜਾ ਰਹੀਆਂ ਸਨ।
ਹਾਦਸੇ ਦੇ ਸਮੇਂ ਤਿੰਨੋਂ ਬੱਸਾਂ ਦੀਆਂ ਸਵਾਰੀਆਂ ਸੌਂ ਰਹੀਆਂ ਸਨ। ਸੁੱਤੇ ਹੋਏ ਹੀ ਇਨ੍ਹਾਂ ਜਾਨ ਚੱਲੀ ਗਈ। ਸਭ ਤੋਂ ਅੱਗੇ ਚੱਲ ਰਹੀ ਬੱਸ ਦੇ ਅਚਾਨਕ ਰੁਕਦੇ ਹੀ ਸਾਰੀਆਂ ਬੱਸਾਂ ਟਕਰਾ ਗਈਆਂ। ਸੂਚਨਾ ਮਿਲਣ ‘ਤੇ ਹਾਈਵੇਅ ‘ਤੇ ਡਾਇਲ 112 ਦੀ ਟੀਮ ਮੌਕੇ ‘ਤੇ ਪੁੱਜੀ। ਪੁਲਸ ਨੇ ਬੱਸ ‘ਚ ਫਸੀਆਂ ਸਵਾਰੀਆਂ ਬਾਹਰ ਕੱਢੀਆਂ ਅਤੇ ਹਸਪਤਾਲ ‘ਚ ਦਾਖ਼ਲ ਕਰਵਾਈਆਂ। ਉੱਥੇ ਹੀ ਪੁਲਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
