ਪਠਾਨਕੋਟ ਦੇ ਪਿੰਡ ਦੇ ਖੇਤਾਂ ‘ਚ ਮਿਲਿਆ ਮੋਰਟਾਰ, ਫੌਜ ਨੇ ਕੀਤਾ ਡਿਫਿਊਜ਼, ਇਲਾਕੇ ‘ਚ ਦਹਿਸ਼ਤ ਦਾ ਮਾਹੌਲ

ਪਠਾਨਕੋਟ : ਅੱਜ ਪਠਾਨਕੋਟ ਦੇ ਸੋਲੀ-ਭੋਲੀ ਪਿੰਡ ਦੇ ਖੇਤਾਂ ਵਿੱਚ ਮੋਰਟਾਰ ਮਿਲਣ ਤੋਂ ਬਾਅਦ ਇਲਾਕੇ ਵਿੱਚ ਦਹਿਸ਼ਤ ਦਾ ਮਾਹੌਲ ਹੈ। ਪਿੰਡ ਵਾਸੀਆਂ ਨੇ ਇਸ ਬਾਰੇ ਫੌਜ ਨੂੰ ਸੂਚਿਤ ਕੀਤਾ ਜਿਸ ਤੋਂ ਬਾਅਦ ਫੌਜ ਨੇ ਇਸਨੂੰ ਨਕਾਰਾ ਕਰ ਦਿੱਤਾ। ਜਾਣਕਾਰੀ ਅਨੁਸਾਰ ਜਦੋਂ ਪਿੰਡ ਵਾਸੀ ਬੀਰ ਸਿੰਘ ਦਾ ਪੁੱਤਰ ਸਵੇਰੇ ਖੇਤਾਂ ਵਿੱਚ ਕੰਮ ਕਰਨ ਗਿਆ ਤਾਂ ਉਸਨੇ ਇੱਕ ਮੋਰਟਾਰ ਦੇਖਿਆ। ਪੁਲਿਸ ਨੂੰ ਇਸ ਮਾਮਲੇ ਬਾਰੇ ਸਭ ਤੋਂ ਪਹਿਲਾਂ ਉਨ੍ਹਾਂ ਨੇ ਹੀ ਸੂਚਿਤ ਕੀਤਾ ਸੀ। ਬਾਅਦ ਵਿੱਚ ਪੁਲਿਸ ਨੇ ਫੌਜ ਨੂੰ ਸੂਚਿਤ ਕੀਤਾ ਜਿਸ ਤੋਂ ਬਾਅਦ ਫੌਜ ਮੋਰਟਾਰ ਨੂੰ ਇੱਕ ਖਾਲੀ ਜਗ੍ਹਾ ‘ਤੇ ਲੈ ਗਈ ਅਤੇ ਇਸਨੂੰ ਡਿਫਿਊਜ਼ ਕਰ ਦਿੱਤਾ।