ਮਨੀਪੁਰ ਰਾਈਫਲਜ਼ ਕੈਂਪ ‘ਤੇ ਹਮਲੇ ਤੋਂ ਬਾਅਦ ਇੰਫਾਲ ‘ਚ ਸਥਿਤੀ ਸ਼ਾਂਤ ਪਰ ਤਣਾਅਪੂਰਨ, ਸ਼ਹਿਰ ਦੇ ਕਈ ਬਾਜ਼ਾਰ ਬੰਦ

ਇੰਫਾਲ : ਬੁੱਧਵਾਰ ਨੂੰ ਮਣੀਪੁਰ ਦੀ ਰਾਜਧਾਨੀ ਇੰਫਾਲ ਵਿੱਚ ਇੱਕ ਭੀੜ ਨੇ ਮਣੀਪੁਰ ਪੁਲਿਸ ਦਫਤਰ ਕੰਪਲੈਕਸ ਨੂੰ ਘੇਰਨ ਦੀ ਕੋਸ਼ਿਸ਼ ਕੀਤੀ। ਉਹ ਹਥਿਆਰ ਲੁੱਟਣ ਦੀ ਯੋਜਨਾ ਬਣਾ ਰਹੇ ਸਨ। ਹਾਲਾਂਕਿ, ਸੁਰੱਖਿਆ ਬਲਾਂ ਨੇ 2,000 ਤੋਂ ਵੱਧ ਲੋਕਾਂ ਦੀ ਵੱਡੀ ਭੀੜ ਨੂੰ ਖਿੰਡਾਉਣ ਲਈ ਹਵਾ ਵਿੱਚ ਕਈ ਰਾਉਂਡ ਫਾਇਰ ਕੀਤੇ। ਰਾਜਧਾਨੀ ਇੰਫਾਲ ‘ਚ ਵੀਰਵਾਰ ਨੂੰ ਸਥਿਤੀ ਸ਼ਾਂਤ ਰਹੀ ਪਰ ਮਾਹੌਲ ਤਣਾਅਪੂਰਨ ਬਣਿਆ ਰਿਹਾ।
ਘਟਨਾ ਤੋਂ ਬਾਅਦ ਸ਼ਹਿਰ ਦੇ ਕਈ ਬਾਜ਼ਾਰ ਬੰਦ ਰਹੇ ਪਰ ਵਿਦਿਅਕ ਅਦਾਰੇ, ਸਰਕਾਰੀ ਦਫ਼ਤਰ ਅਤੇ ਮਨੀਪੁਰ ਹਾਈ ਕੋਰਟ ਆਮ ਵਾਂਗ ਚੱਲ ਰਹੇ ਸਨ ਜਦੋਂਕਿ ਸਵੇਰੇ 10 ਵਜੇ ਤੋਂ ਕਰਫਿਊ ਵਿੱਚ ਢਿੱਲ ਦਿੱਤੇ ਜਾਣ ਤੋਂ ਬਾਅਦ ਸੜਕਾਂ ‘ਤੇ ਵਾਹਨਾਂ ਦੀ ਆਵਾਜਾਈ ਦੇਖਣ ਨੂੰ ਮਿਲੀ। ਪ੍ਰਸ਼ਾਸਨ ਨੇ ਮੁੱਖ ਜੰਕਸ਼ਨ ‘ਤੇ ਵਾਧੂ ਰਾਜ ਅਤੇ ਕੇਂਦਰੀ ਬਲਾਂ ਦੀ ਤਾਇਨਾਤੀ ਕੀਤੀ ਅਤੇ ਪੁਲਿਸ ਕਰਮਚਾਰੀ ਮਣੀਪੁਰ ਰਾਈਫਲਜ਼ ਕੈਂਪ ਦੇ ਨੇੜੇ ਖੇਤਰ ‘ਚ ਗਸ਼ਤ ਕਰਦੇ ਦੇਖੇ ਗਏ।