ਚੰਡੀਗੜ੍ਹ , ਚੰਡੀਗੜ੍ਹ ਵੱਲ ਮਾਰਚ ਕਰਨ ਦੀ ਤਿਆਰੀ ਕਰ ਰਹੇ ਕਿਸਾਨ ਦੀ ਟਰੈਕਟਰ ਦੇ ਟਾਇਰ ‘ਚ ਫਸ ਜਾਣ ਕਾਰਨ ਲੱਤ ਕੱਟੀ ਗਈ। ਹਾਦਸਾ ਇੰਨਾ ਦਰਦਨਾਕ ਸੀ ਕਿ ਉਸ ਦੀ ਲੱਤ ਟਰੈਕਟਰ ਦੇ ਟਾਇਰ ਅਤੇ ਲੋਹੇ ਦੀ ਬਾਡੀ ਦੇ ਵਿਚਕਾਰ ਆ ਗਈ ਅਤੇ ਟਰੈਕਟਰ ਦੀ ਬ੍ਰੇਕ ਲਗਾਉਣ ‘ਤੇ ਬੁਰੀ ਤਰ੍ਹਾਂ ਕੱਟ ਗਈ। ਜਿਸ ਕਿਸਾਨ ਦੀ ਲੱਤ ਕੱਟੀ ਗਈ ਸੀ, ਉਸ ਦਾ ਨਾਂ ਰਵਿੰਦਰ ਹੈ ਅਤੇ ਉਸ ਦੀ ਉਮਰ 30 ਸਾਲ ਹੈ।
ਸਾਥੀ ਕਿਸਾਨਾਂ ਨੇ ਪਹਿਲਾਂ ਰਵਿੰਦਰ ਨੂੰ ਅੰਬਾਲਾ ਸ਼ਹਿਰ ਦੇ ਹੀਲਿੰਗ ਟੱਚ ਹਸਪਤਾਲ ਵਿੱਚ ਦਾਖਲ ਕਰਵਾਇਆ। ਉਥੋਂ ਮੁੱਢਲੀ ਸਹਾਇਤਾ ਤੋਂ ਬਾਅਦ ਕਿਸਾਨ ਨੂੰ ਮੋਹਾਲੀ ਦੇ ਫੋਰਟਿਸ ਹਸਪਤਾਲ ਲਈ ਰੈਫਰ ਕਰ ਦਿੱਤਾ ਗਿਆ। ਉਸ ਦਾ ਹਸਪਤਾਲ ‘ਚ ਇਲਾਜ ਚੱਲ ਰਿਹਾ ਹੈ।
