ਚੰਡੀਗੜ੍ਹ, 24 ਮਾਰਚ (ਬਿਊਰੋ)- ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਹੁਣ 25 ਮਾਰਚ ਨੂੰ ਚੰਡੀਗੜ੍ਹ ਨਹੀਂ ਆ ਰਹੇ ਹਨ। ਉਨ੍ਹਾਂ ਦਾ ਦੌਰਾ ਮੁਲਤਵੀ ਕਰ ਦਿੱਤਾ ਗਿਆ ਹੈ। ਹੁਣ ਗ੍ਰਹਿ ਮੰਤਰੀ 27 ਮਾਰਚ ਨੂੰ ਚੰਡੀਗੜ੍ਹ ਆਉਣਗੇ। ਉੱਤਰ ਪ੍ਰਦੇਸ਼ ਦੇ ਸੀਐਮ ਯੋਗੀ ਆਦਿਤਿਆਨਾਥ ਦੇ ਸਹੁੰ ਚੁੱਕ ਸਮਾਗਮ ਕਾਰਨ ਹੁਣ ਗ੍ਰਹਿ ਮੰਤਰੀ ਅਮਿਤ ਸ਼ਾਹ 25 ਦੀ ਬਜਾਏ 27 ਮਾਰਚ ਨੂੰ ਚੰਡੀਗੜ੍ਹ ਆਉਣਗੇ। ਇਸ ਦੀ ਜਾਣਕਾਰੀ ਚੰਡੀਗੜ੍ਹ ਭਾਜਪਾ ਨੂੰ ਦੇ ਦਿੱਤੀ ਗਈ ਹੈ।
ਚੰਡੀਗੜ੍ਹ ਭਾਜਪਾ ਨੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਤੋਂ ਪ੍ਰੋਗਰਾਮ ਲਈ ਸਮਾਂ ਮੰਗਿਆ ਸੀ। ਉਨ੍ਹਾਂ ਨੂੰ ਪ੍ਰੋਗਰਾਮ ਲਈ ਅਜੇ ਸਮਾਂ ਨਹੀਂ ਮਿਲਿਆ ਹੈ, ਪਰ ਗ੍ਰਹਿ ਮੰਤਰੀ ਤੋਂ ਸਮਾਂ ਮਿਲਣ ਦੀ ਉਮੀਦ ਹੈ। ਚੰਡੀਗੜ੍ਹ ਭਾਜਪਾ ਦੇ ਪ੍ਰਧਾਨ ਅਰੁਣ ਸੂਦ ਅਨੁਸਾਰ ਹੁਣ ਤਕ ਦੇ ਪ੍ਰੋਗਰਾਮ ਮੁਤਾਬਕ ਗ੍ਰਹਿ ਮੰਤਰੀ ਦਾ 27 ਮਾਰਚ ਨੂੰ ਦੁਪਹਿਰ ਬਾਅਦ ਕੋਈ ਪ੍ਰੋਗਰਾਮ ਨਹੀਂ ਹੈ। ਉਸ ਨੇ ਸਵੇਰੇ-ਸ਼ਾਮ ਜੋ ਪ੍ਰੋਜੈਕਟ ਅਤੇ ਅਧਿਕਾਰੀਆਂ ਨਾਲ ਮੀਟਿੰਗਾਂ ਕਰਨੀਆਂ ਹਨ। ਇਸ ਲਈ ਉਹ ਦੁਪਹਿਰ ਦਾ ਕੋਈ ਪ੍ਰੋਗਰਾਮ ਕਰਵਾ ਸਕਦੇ ਹਨ। ਜੇਕਰ ਦੁਪਹਿਰ ਦਾ ਪ੍ਰੋਗਰਾਮ ਮਿਲਦਾ ਹੈ ਤਾਂ ਕਿਸੇ ਸਮੇਂ ਇਹ ਪ੍ਰੋਗਰਾਮ ਕੀਤਾ ਜਾਵੇਗਾ ਕਿਉਂਕਿ ਹੁਣ ਗਰਮੀ ਵਧ ਰਹੀ ਹੈ।
