ਪਾਣੀਪਤ : ਲਾਰੈਂਸ ਬਿਸ਼ਨੋਈ ਗੈਂਗ ਦਾ ਸਰਗਨਾ ਅਤੇ ਸ਼ੂਟਰ ਸੁਖਵੀਰ ਉਰਫ ਸੁੱਖਾ ਹਨੀਟ੍ਰੈਪ ‘ਚ ਫਸ ਗਿਆ। ਉਸ ਨੂੰ ਫੜਨ ਲਈ ਮੁੰਬਈ ਪੁਲਸ ਨੇ ਤਿੰਨ ਮਹੀਨੇ ਪਹਿਲਾਂ ਇਕ ਲੜਕੀ ਰਾਹੀਂ ਇਹ ਜਾਲ ਵਿਛਾਇਆ ਸੀ। ਇਹ ਲੜਕੀ ਲਗਾਤਾਰ ਸੁੱਖੇ ਦੇ ਸੰਪਰਕ ਵਿੱਚ ਸੀ ਅਤੇ ਉਸ ਨਾਲ ਗੱਲਬਾਤ ਕਰਕੇ ਉਸਨੂੰ ਫਸਾਉਣ ਦੀ ਕੋਸ਼ਿਸ਼ ਕਰ ਰਹੀ ਸੀ।
ਔਰਤ ਨੇ ਪਹਿਲਾਂ ਉਸ ਨੂੰ ਫੋਨ ਕੀਤਾ ਅਤੇ ਲੋਕੇਸ਼ਨ ਭੇਜਣ ਤੋਂ ਬਾਅਦ ਇਹ ਕਹਿ ਕੇ ਕਿ ਉਹ ਸ਼ਰਾਬੀ ਹੈ, ਉਸ ਨੂੰ ਅਭਿਨੰਦਨ ਹੋਟਲ ਬੁਲਾਇਆ। ਇਸ ਤੋਂ ਬਾਅਦ ਨਵੀਂ ਮੁੰਬਈ ਪੁਲਿਸ ਅਤੇ ਪਾਣੀਪਤ ਪੁਲਿਸ ਦੀ ਸਾਂਝੀ ਟੀਮ ਨੇ ਸੁੱਖਾ ਨੂੰ ਹੋਟਲ ਦੇ ਕਮਰੇ ਤੋਂ ਗ੍ਰਿਫਤਾਰ ਕਰ ਲਿਆ। ਔਰਤ ਨੇ ਪਹਿਲੀ ਮੰਜ਼ਿਲ ‘ਤੇ ਇਕ ਕਮਰਾ ਬੁੱਕ ਕਰਵਾਇਆ ਸੀ ਅਤੇ ਪੁਲਿਸ ਟੀਮ ਦੂਜੀ ਮੰਜ਼ਿਲ ‘ਤੇ ਤਿੰਨ ਕਮਰਿਆਂ ‘ਚ ਠਹਿਰੀ ਹੋਈ ਸੀ।
