ਨਵੀਂ ਦਿੱਲੀ : ਟੀ-20 ਵਿਸ਼ਵ ਕੱਪ 2024 ਦੇ ਦੂਜੇ ਸੈਮੀਫਾਈਨਲ ਮੈਚ ‘ਚ ਭਾਰਤ ਅਤੇ ਇੰਗਲੈਂਡ ਦੀਆਂ ਟੀਮਾਂ ਆਹਮੋ-ਸਾਹਮਣੇ ਹੋਣਗੀਆਂ। ਪਹਿਲਾ ਸੈਮੀਫਾਈਨਲ ਮੈਚ 27 ਜੂਨ ਵੀਰਵਾਰ ਨੂੰ ਦੱਖਣੀ ਅਫਰੀਕਾ ਅਤੇ ਅਫਗਾਨਿਸਤਾਨ ਵਿਚਾਲੇ ਖੇਡਿਆ ਜਾਵੇਗਾ। ਦੂਜਾ ਮੈਚ ਵੀ ਇਸੇ ਦਿਨ ਖੇਡਿਆ ਜਾਵੇਗਾ। ਦੋਵੇਂ ਸੈਮੀਫਾਈਨਲ ਮੈਚਾਂ ਲਈ ਅੰਪਾਇਰਾਂ ਦਾ ਐਲਾਨ ਕਰ ਦਿੱਤਾ ਗਿਆ ਹੈ।
ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਵੀਰਵਾਰ ਨੂੰ ਹੋਣ ਵਾਲੇ ਸੈਮੀਫਾਈਨਲ ਮੈਚ ‘ਚ ਆਨ-ਫੀਲਡ ਅੰਪਾਇਰ ਨਿਊਜ਼ੀਲੈਂਡ ਦੇ ਕ੍ਰਿਸ ਗੈਫਨੀ ਤੇ ਆਸਟ੍ਰੇਲੀਆ ਦੇ ਰਾਡਨੀ ਟਕਰ ਹੋਣਗੇ। ਇਸ ਮੈਚ ਵਿੱਚ ਜੋਏਲ ਵਿਲਸਨ ਟੀਵੀ ਅੰਪਾਇਰ ਹੋਣਗੇ, ਜਦੋਂ ਕਿ ਪੌਲ ਰੀਫੇਲ ਚੌਥੇ ਅੰਪਾਇਰ ਹੋਣਗੇ। ਨਿਊਜ਼ੀਲੈਂਡ ਦੇ ਜੈਫਰੀ ਕ੍ਰੋ ਮੈਚ ਰੈਫਰੀ ਦੀ ਭੂਮਿਕਾ ਨਿਭਾਉਣਗੇ।
