ਦਸੂਹਾ, 3 ਅਗਸਤ (ਦਲਜੀਤ ਸਿੰਘ)- ਹਾਈਵੇਅ ’ਤੇ ਦਸੂਹਾ ਦੇ ਲੰਗਰਪੁਰ ਮੋੜ ਨੇੜੇ ਹੋਏ ਸੜਕ ਹਾਦਸੇ ਵਿੱਚ ਦੋ ਲੋਕਾਂ ਦੀ ਮੌਤ ਅਤੇ ਇਕ ਜਨਾਨੀ ਦੇ ਜ਼ਖ਼ਮੀ ਹੋਣ ਦੀ ਸੂਚਨਾ ਹੈ। ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਕਾਰ ਦੀ ਲਪੇਟ ’ਚ ਆਉਣ ਕਾਰਨ ਮੋਟਰਸਾਈਕਲ ਸਵਾਰ ਸੁਖਵਿੰਦਰ ਪੁੱਤਰ ਧਰਮਪਾਲ ਅਤੇ ਰਾਜ ਰਾਣੀ ਪਤਨੀ ਹਰਦੇਵ ਦੀ ਮੌਤ ਹੋ ਗਈ, ਜਦਕਿ ਸੱਤੀ ਪਤਨੀ ਧਰਮਪਾਲ ਵਾਸੀ ਬੱਸੀ (ਬੇਗੋਵਾਲ) ਜ਼ਖ਼ਮੀ ਹੋ ਗਈ।
ਜ਼ਖ਼ਮੀ ਨੂੰ ਦਸੂਹਾ ਦੇ ਸਰਕਾਰੀ ਹਸਪਤਾਲ ’ਚ ਦਾਖ਼ਲ ਕਰਵਾਇਆ ਗਿਆ ਹੈ। ਮਿਲੀ ਸੂਚਨਾ ਮੁਤਾਬਕ ਪੁਲਸ ਨੇ ਕਾਰ ਚਾਲਕ ਨੂੰ ਕਾਬੂ ਕਰ ਲਿਆ ਹੈ। ਹਾਦਸਾ ਕਿਹੜੇ ਹਾਲਾਤ ’ਚ ਹੋਇਆ ਪਤਾ ਨਹੀਂ ਲੱਗ ਸਕਿਆ ਹੈ
