ਘਰ ਜਾਂਦੀਆਂ ਦੋ ਵਿਦਿਆਰਥਣਾਂ ‘ਤੇ ਟਰੱਕ ਚੜ੍ਹਿਆ, ਇਕ ਦੀ ਮੌਤ ਇੱਕ ਦੀ ਹਾਲਤ ਗੰਭੀਰ

ਅਬੋਹਰ, 23 ਫਰਵਰੀ: ਅੱਜ ਬਾਅਦ ਦੁਪਹਿਰ ਅਬੋਹਰ ਗੰਗਾਨਗਰ ਮੁੱਖ ਮਾਰਗ ‘ਤੇ ਪੈਂਦੇ ਪਿੰਡ ਖੂਈਆਂ ਸਰਵਰ ਨੇੜੇ ਇਕ ਤੇਜ਼ ਰਫ਼ਤਾਰ ਟਰੱਕ ਦੋ ਵਿਦਿਆਰਥਣਾਂ ਨੂੰ ਦਰੜ ਦਿੱਤਾ।ਪੜ੍ਹ ਕੇ ਸਕੂਟਰੀ ‌ਤੇ ਘਰ ਨੂੰ ਜਾਂਦੀਆਂ ਵਿਦਿਆਰਥਣਾਂ ਤੇ ਟਰੱਕ ਚੜ੍ਹਾ ਦੇਣ ਨਾਲ ਵਾਪਰੇ ਦੁਖਦਾਈ ਹਾਦਸੇ ਦੌਰਾਨ ਇਕ ਵਿਦਿਆਰਥਣ ਦੀ ਮੌਕੇ ‘ਤੇ ਮੌਤ ਹੋ ਗਈ ਜਦਕਿ ਦੂਜੀ ਵਿਦਿਆਰਥਣ ਗੰਭੀਰ ਫੱਟੜ ਹੋ ਗਈ। ਇਹ ਦੋਵੇਂ ਵਿਦਿਆਰਥਣਾਂ ਪਿੰਡ ਮੋਜਗੜ ਦੀਆਂ ਵਸਨੀਕ ਸਨ। ਹਾਦਸੇ ਲੋਕਾਂ ਚ ਭਾਰੀ ਰੋਸ ਹੈ।