ਬਰਨਾਲਾ, 9 ਫਰਵਰੀ (ਬਿਊਰੋ)- ਵਿਧਾਨ ਸਭਾ ਹਲਕਾ ਭਦੌੜ ‘ਚ ਆਪਣੀ ਚਰਨਜੀਤ ਸਿੰਘ ਚੰਨੀ ਮੁੱਖ ਮੰਤਰੀ ਪੰਜਾਬ ਨੇ ਚੋਣ ਫੇਰੀ ਦੌਰਾਨ ਪਿੰਡ ਅਸਪਾਲ ਖੁਰਦ ਕਲਾਂ ਵਿਖੇ ਅਨਾਜ ਮੰਡੀ ਚ ਕ੍ਰਿਕਟ ਦੇ ਚੱਲ ਰਹੇ ਟੂਰਨਾਮੈਂਟ ਚ ਬੱਚਿਆਂ ਨਾਲ ਕ੍ਰਿਕਟ ਖੇਡਦਿਆਂ ਕਿਹਾ ਕਿ ਜੇਕਰ ਛੇ ਬੋਲਾਂ ਤੇ ਉਨ੍ਹਾਂ ਨੂੰ ਤੁਸੀਂ ਆਊਟ ਕਰੋਗੇ ਤਾਂ ਉਹ ਪੰਜ ਹਜ਼ਾਰ ਰੁਪਏ ਇਨਾਮ ਵਜੋਂ ਦੇਣਗੇ। ਕ੍ਰਿਕਟ ਦੀ ਗਰਾਊਂਡ ਚ ਪੰਜਾਬ ਦੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੇ ਇਕ ਹੋਰ ਐਲਾਨ ਕੀਤਾ ਕਿ ਉਹ ਆਪਣੇ ਵਿਧਾਨ ਸਭਾ ਹਲਕਾ ਭਦੌੜ ‘ਚ ਅਗਲੇ ਪੰਜ ਸਾਲਾਂ ਲਈ ਕੋਈ ਵੀ ਟੂਰਨਾਮੈਂਟ ਕਿਸੇ ਵੀ ਖੇਡ ਦਾ ਹੋਵੇਗਾ, ਉਸ ਦਾ ਪਹਿਲਾ ਨਾਮ ਚਰਨਜੀਤ ਸਿੰਘ ਚੰਨੀ ਦੇਣਗੇ।
ਕ੍ਰਿਕਟ ਗਰਾਊਂਡ ਵਿਚ ਜਦ ਚਰਨਜੀਤ ਸਿੰਘ ਚੰਨੀ ਖੇਡ ਰਹੇ ਸਨ ਤਾਂ ਪਿੰਡ ਵਾਸੀਆਂ ਵਿੱਚ ਵੀ ਭਾਰੀ ਉਤਸ਼ਾਹ ਵੇਖਣ ਨੂੰ ਮਿਲਿਆ। ਚਰਨਜੀਤ ਸਿੰਘ ਚੰਨੀ ਦੇ ਇਕ ਵੱਖਰੇ ਚੋਣ ਪ੍ਰਚਾਰ ਦੇ ਢੰਗ ਨਾਲ ਪੂਰੇ ਵਿਧਾਨ ਸਭਾ ਹਲਕਾ ਭਦੌੜ ‘ਚ ਖੂਬ ਚਰਚਾ ਹੋ ਰਹੀ ਹੈ। ਚਰਨਜੀਤ ਸਿੰਘ ਚੰਨੀ ਨੇ ਆਪਣੀ ਚੋਣ ਫੇਰੀ ਦੌਰਾਨ ਪਿੰਡ ਵੇਚਦੀ ਹਰ ਸਵਾਗਤ ਕਰ ਰਹੇ ਲੋਕਾਂ ਦਾ ਗਲ ਹਾਰ ਪਾ ਕੇ ਸਿਰੋਪਾਓ ਦੇ ਕੇ ਸਨਮਾਨ ਕੀਤਾ।
