ਗਾਜ਼ੀਆਬਾਦ, 4 ਦਸੰਬਰ (ਦਲਜੀਤ ਸਿੰਘ)- ਭਾਰਤੀ ਕਿਸਾਨ ਯੂਨੀਅਨ (ਬੀ.ਕੇ.ਯੂ.) ਦੇ ਰਾਸ਼ਟਰੀ ਬੁਲਾਰੇ ਰਾਕੇਸ਼ ਟਿਕੈਤ ਦਾ ਨਾਮ ‘21 ਸੇਂਚੁਰੀ ਆਈਕਨ ਐਵਾਰਡ’ ਲਈ ਅੰਤਿਮ ਸੂਚੀ ’ਚ ਸ਼ਾਮਲ ਕੀਤਾ ਗਿਆ ਹੈ। ਇਹ ਪੁਰਸਕਾਰ ਲੰਡਨ ਸਥਿਤ ਸਕਵਾਇਰ ਵਾਟਰਮੇਲਨ ਕੰਪਨੀ ਦਿੰਦੀ ਹੈ। ਬੀ.ਕੇ.ਯੂ. ਉੱਤਰ ਪ੍ਰਦੇਸ਼ ਦੇ ਉੱਪ ਪ੍ਰਧਾਨ ਰਾਜਬੀਰ ਸਿੰਘ ਨੇ ਦੱਸਿਆ ਕਿ ਪੁਰਸਕਾਰ 10 ਦਸੰਬਰ ਨੂੰ ਦਿੱਤਾ ਜਾਵੇਗਾ।
ਟਿਕੈਤ ਨੇ ਫ਼ੋਨ ’ਤੇ ਦੱਸਿਆ,‘‘ਮੈਂ ਪੁਰਸਕਾਰ ਲੈਣ ਲਈ ਲੰਡਨ ਨਹੀਂ ਜਾ ਰਿਹਾ ਹਾਂ, ਕਿਉਂਕਿ ਮੈਂ ਪ੍ਰਦਰਸ਼ਨ ’ਚ ਰੁਝਿਆ ਹਾਂ।’’ ਉਨ੍ਹਾਂ ਕਿਹਾ ਕਿ ਉਹ ਉਦੋਂ ਪੁਰਸਕਾਰ ਸਵੀਕਾਰ ਕਰਨਗੇ, ਜੋਂ ਕਿਸਾਨਾਂ ਦੀਆਂ ਮੰਗਾਂ ਮੰਨ ਲਈਆਂ ਜਾਣਗੀਆਂ।
