ਭਾਰਤੀ ਗੇਂਦਬਾਜ਼ਾਂ ਨੇ ਕਰ’ਤਾ ਕਰਿਸ਼ਮਾ ! ਇੰਗਲੈਂਡ ਦੇ ਜਬਾੜੇ ‘ਚੋਂ ਕੱਢ ਲਿਆਂਦੀ ਜਿੱਤ, ਲੜੀ ਕਰਵਾਈ ਬਰਾਬਰ

ਸਪੋਰਟਸ ਡੈਸਕ- ਭਾਰਤ ਤੇ ਇੰਗਲੈਂਡ ਦਰਮਿਆਨ ਪੰਜ ਟੈਸਟ ਮੈਚਾਂ ਦੀ ਸੀਰੀਜ਼ 2-2 ਨਾਲ ਡਰਾਅ ਹੋ ਗਈ ਹੈ। ਪੰਜਵੇਂ ਮੈਚ ਵਿਚ ਭਾਰਤ ਨੇ ਅੰਗਰੇਜ਼ੀ ਟੀਮ ਨੂੰ ਜਿੱਤ ਲਈ 374 ਦੌੜਾਂ ਦਾ ਟੀਚਾ ਦਿੱਤਾ। ਭਾਰਤੀ ਟੀਮ ਨੇ ਆਪਣੀ ਪਹਿਲੀ ਪਾਰੀ ਵਿੱਚ 224 ਦੌੜਾਂ ਬਣਾਈਆਂ ਸਨ, ਪਰ ਇੰਗਲੈਂਡ ਦੀ ਪਹਿਲੀ ਪਾਰੀ 247 ਦੌੜਾਂ ਤੱਕ ਸੀਮਤ ਹੋ ਗਈ। ਯਾਨੀ ਮੇਜ਼ਬਾਨ ਇੰਗਲੈਂਡ ਨੂੰ ਪਹਿਲੀ ਪਾਰੀ ਦੇ ਆਧਾਰ ‘ਤੇ 23 ਦੌੜਾਂ ਦੀ ਥੋੜ੍ਹੀ ਜਿਹੀ ਲੀਡ ਮਿਲੀ। ਇਸ ਤੋਂ ਬਾਅਦ, ਭਾਰਤੀ ਟੀਮ ਨੇ ਆਪਣੀ ਦੂਜੀ ਪਾਰੀ ਵਿੱਚ 396 ਦੌੜਾਂ ਬਣਾਈਆਂ। ਟੀਚੇ ਦਾ ਪਿੱਛਾ ਕਰਨ ਉਤਰੀ ਇੰਗਲੈਂਡ ਦੀ ਟੀਮ ਆਲ ਆਊਟ ਹੋ ਕੇ 367 ਦੌੜਾਂ ਹੀ ਬਣਾ ਸੀ ਤੇ ਭਾਰਤ ਨੇ 6 ਦੌੜਾਂ ਨਾਲ ਮੈਚ ਜਿੱਤ ਲਿਆ ਤੇ ਸੀਰੀਜ਼ 2-2 ਨਾਲ ਡਰਾਅ ਕਰਾ ਲਈ।