ਬਟਾਲਾ ‘ਚ ਮਿਲਿਆ ਮਿਜ਼ਾਈਲ ਦਾ ਟੁਕੜਾ, ਲੋਕਾਂ ਅੰਦਰ ਸਹਿਮ ਦਾ ਮਾਹੌਲ; ਫੌਜੀ ਅਧਿਕਾਰੀ ਨੇ ਲਿਆ ਕਬਜ਼ੇ ‘ਚ

ਬਟਾਲਾ : ਬਟਾਲਾ ਨੇੜੇ ਪਿੰਡ ਧਾਰੀਵਾਲ ਭੋਜਾ ਦੇ ਖੇਤਾਂ ‘ਚ ਇਕ ਮਿਜ਼ਾਈਲ ਦਾ ਟੁਕੜਾ ਮਿਲਿਆ ਹੈ। ਇਹ ਟੁਕੜਾ ਖੇਤਾਂ ‘ਚ ਪਿਆ ਮਿਲਿਆ। ਸੂਚਨਾ ਮਿਲਦੇ ਹੀ ਪੁਲਿਸ ਤੇ ਫੌਜ ਦੇ ਅਧਿਕਾਰੀ ਮੌਕੇ ‘ਤੇ ਪੁੱਜੇ। ਫੌਜ ਵੱਲੋਂ ਮਿਜ਼ਾਈਲ ਦੇ ਹਿੱਸੇ ਨੂੰ ਕਬਜ਼ੇ ‘ਚ ਲੈ ਕੇ ਅਗਲੇਰੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਜਾਣਕਾਰੀ ਅਨੁਸਾਰ ਪਿੰਡ ਧਾਰੀਵਾਲ ਭੋਜਾ ਦੇ ਜੋਗਾ ਸਿੰਘ ਤੇ ਤਰਲੋਕ ਸਿੰਘ ਦੇ ਖੇਤਾਂ ‘ਚ ਇਕ ਮਿਜ਼ਾਈਲ ਦਾ ਟੁਕੜਾ ਪਿਆ ਹੋਇਆ ਸੀ ਜਿਸ ਦੀ ਇਤਲਾਹ ਤੁਰੰਤ ਥਾਣਾ ਸੇਖਵਾਂ ਨੂੰ ਦਿੱਤੀ ਗਈ।