ਖਰੜ – ਖਰੜ ਦੇ ਛੱਜੂਮਾਜਰਾ ਰੋਡ ‘ਤੇ ਅੱਜ ਬੰਦ ਪਈ ਗਰਗ ਰਾਇਸ ਮਿੱਲ ਦੇ ਪੁਰਾਣੇ ਗੋਦਾਮ ਨੂੰ ਅੱਗ ਲੱਗ ਗਈ। ਅੱਗ ਲੱਗਣ ਦੀ ਜਾਣਕਾਰੀ ਤੁਰੰਤ ਨਗਰ ਕੌਂਸਲ ਦਫ਼ਤਰ ‘ਚ ਲੱਗੇ ਮੁਲਾਜ਼ਮ ਧਨਵੰਤ ਸਿੰਘ ਸ਼ਿੰਦਾ ਨੇ ਫਾਇਰ ਬ੍ਰਿਗੇਡ ਨੂੰ ਦਿੱਤੀ। ਮੌਕੇ ‘ਤੇ ਫਾਇਰ ਬ੍ਰਿਗੇਡ ਦੀਆਂ 2 ਗੱਡੀਆਂ ਪੁੱਜੀਆਂ।
ਪਤਾ ਲੱਗਾ ਹੈ ਕਿ ਗੋਦਾਮ ‘ਚ ਪੁਰਾਣਾ ਬਾਰਦਾਨਾ ਅਤੇ ਕੁੱਝ ਲੱਕੜ ਪਈ ਸੀ, ਜਿਸ ਨੂੰ ਗੋਦਾਮ ਦੇ ਨੇੜੇ ਲੱਗੇ ਟਰਾਂਸਫਾਰਮਰ ਦੇ ਸ਼ਾਰਟ ਸਰਕਟ ਕਾਰਨ ਅੱਗ ਲੱਗ ਗਈ। ਫਿਲਹਾਲ ਖ਼ਬਰ ਲਿਖੇ ਜਾਣ ਤੱਕ ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਅੱਗ ਨੂੰ ਬੁਝਾ ਰਹੀਆਂ ਸਨ।
