2 ਅਣਪਛਾਤੇ ਨੌਜਵਾਨ ਸੋਨਾ ਤੇ ਹੋਰ ਸਾਮਾਨ ਲੁੱਟ ਕੇ ਫ਼ਰਾਰ

ਚੌਲਾਂਗ, 21 ਅਗਸਤ -ਇੱਥੋਂ ਨਜ਼ਦੀਕੀ ਪਿੰਡ ਦੇਹਰੀਵਾਲ ਤੋਂ ਦਿਨ-ਦਿਹਾੜੇ 2 ਅਣਪਛਾਤੇ ਲੁਟੇਰਿਆਂ ਵਲੋਂ ਸੋਨਾ ਤੇ ਹੋਰ ਸਾਮਾਨ ਲੁੱਟ ਕੇ ਫ਼ਰਾਰ ਹੋਣ ਜਾਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਇਸ ਸੰਬੰਧੀ ਇਕੱਤਰ ਕੀਤੀ ਗਈ ਜਾਣਕਾਰੀ ਅਨੁਸਾਰ ਇੰਦਰਜੀਤ ਕੌਰ ਪਤਨੀ ਬਲਕਾਰ ਸਿੰਘ ਵਾਸੀ ਦੇਹਰੀਵਾਲ ਸਵੇਰੇ 10-11 ਵਜੇ ਘਰ ਸੀ। ਉਨ੍ਹਾਂ ਦੇ ਪਤੀ ਕੰਮ ‘ਤੇ ਚਲੇ ਗਏ ਤੇ ਬੱਚੇ ਸਕੂਲ ਚਲੇ ਗਏ। ਇੰਨੇ ਨੂੰ 2 ਨੌਜਵਾਨ ਲਾਬੀ ‘ਚੋਂ ਕੋਠੇ ਤੋਂ ਉਤਰ ਕੇ ਆਏ, ਜਿਨ੍ਹਾਂ ਨੇ ਮੂੰਹ ਚੰਗੀ ਤਰ੍ਹਾਂ ਲਪੇਟੇ ਹੋਏ ਸਨ। ਇਕ ਨੌਜਵਾਨ ਨੇ ਮੈਨੂੰ ਫੜ੍ਹ ਕੇ ਚਾਬੀਆਂ ਮੰਗੀਆਂ ਤੇ ਮੇਰੀ ਕੰਨਪੱਟੀ ਤੇ ਪਿਸਤੌਲ ਤਾਣ ਲਈ ਤੇ ਮੇਰਾ ਮੂੰਹ ਬੰਦ ਕਰ ਦਿੱਤਾ। ਅੱਧਾ ਘੰਟਾ ਨੌਜਵਾਨਾਂ ਵਲੋਂ ਫਰੋਲਾ-ਫਰਾਲੀ ਕਰਕੇ ਨੌਜਵਾਨਾਂ ਵਲੋਂ ਢਾਈ ਤੋਲੇ ਸੋਨਾ ਤੇ ਹੋਰ ਵੀ ਕਈ ਸਾਮਾਨ ਲੁੱਟ ਕੇ ਫ਼ਰਾਰ ਹੋ ਗਏ।