ਜ਼ੀਰਕਪੁਰ, 4 ਅਗਸਤ – ਵਿਧਾਨ ਸਭਾ ਹਲਕਾ ਡੇਰਾਬੱਸੀ ਤੋਂ ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਕੁਲਜੀਤ ਸਿੰਘ ਰੰਧਾਵਾ ਦੇ ਪੀ.ਏ. ‘ਤੇ ਬਲਟਾਣਾ ਵਾਸੀ ‘ਆਪ’ ਵਰਕਰ ਵਲੋਂ ਹੀ ਪੁਲਿਸ ਮੁਲਾਜ਼ਮ ਕੋਲੋਂ ਲੱਖ ਰੁਪਏ ਮੰਗਣ ਦਾ ਦੋਸ਼ ਲਾਇਆ ਗਿਆ ਹੈ।
‘ਆਪ’ ਵਰਕਰ ਵਿਕਰਮ ਧਵਨ ਨੇ ਇਕ ਆਡੀਓ ਰਿਕਾਰਡਿੰਗ ਵਾਇਰਲ ਕਰਕੇ ਇਹ ਦੋਸ਼ ਲਾਏ ਹਨ, ਜਿਸ ਵਿਚ ਪੁਲਿਸ ਦੇ ਸਬ ਇੰਸਪੈਕਟਰ ਬਰਮਾ ਸਿੰਘ ਨਾਲ ਹੋਈ ਗੱਲ ਦਾ ਜ਼ਿਕਰ ਹੈ। ਬਰਮਾ ਸਿੰਘ ਵਿਧਾਇਕ ਦੇ ਪੀ.ਏ. ਵਲੋਂ ਪੈਸੇ ਮੰਗਣ ਦੀ ਗੱਲ ਕਰਦਾ ਸੁਣਾਈ ਦੇ ਰਿਹਾ ਹੈ। ਵਿਕਰਮ ਧਵਨ ਨੇ ਇਹ ਸ਼ਿਕਾਇਤ ਐਂਟੀ ਕੁਰੱਪਸ਼ਨ ਸੈੱਲ ਨੂੰ ਵੀ ਕੀਤੀ ਹੈ।
