ਨਵੀਂ ਦਿੱਲੀ, 8 ਜੂਨ- ਰਾਸ਼ਟਰੀ ਜਨਤਾ ਦਲ ਦੇ ਰਾਸ਼ਟਰੀ ਪ੍ਰਧਾਨ ਲਾਲੂ ਪ੍ਰਸਾਦ ਯਾਦਵ ਆਦਰਸ਼ ਚੋਣ ਜ਼ਾਬਤੇ ਦੀ ਉਲੰਘਣਾ ਦੇ ਮਾਮਲੇ ‘ਚ ਬੁੱਧਵਾਰ ਨੂੰ ਪਲਾਮੂ ਕੋਰਟ ‘ਚ ਪੇਸ਼ ਹੋਏ। ਇਹ ਮਾਮਲਾ ਸਤੀਸ਼ ਕੁਮਾਰ ਮੁੰਡਾ ਜੁਡੀਸ਼ੀਅਲ ਮੈਜਿਸਟਰੇਟ ਫਸਟ ਕਲਾਸ ਅਤੇ ਐੱਮ.ਪੀ. ਐਮ.ਐਲ.ਏ. ਸਪੈਸ਼ਲ ਕੋਰਟ ‘ਚ ਚੱਲ ਰਿਹਾ ਸੀ। ਲਾਲੂ ਦੀ ਤਰਫੋਂ ਹਾਈਕੋਰਟ ਦੇ ਵਕੀਲ ਪ੍ਰਭਾਤ ਕੁਮਾਰ ਸਿੰਘ ਅਦਾਲਤ ‘ਚ ਪੇਸ਼ ਹੋਏ।
ਲਾਲੂ ਦੇ ਵਕੀਲ ਧੀਰੇਂਦਰ ਕੁਮਾਰ ਸਿੰਘ ਉਰਫ਼ ਪੱਪੂ ਸਿੰਘ ਨੇ ਦੱਸਿਆ ਕਿ ਲਾਲੂ ਖ਼ਿਲਾਫ਼ ਗੜ੍ਹਵਾ ਜ਼ਿਲ੍ਹੇ ‘ਚ 2009 ‘ਚ ਕੇਸ ਦਰਜ ਹੋਇਆ ਸੀ। ਪਲਾਮੂ ਅਦਾਲਤ ਨੇ ਸੁਣਵਾਈ ਤੋਂ ਬਾਅਦ ਲਾਲੂ ਨੂੰ ਸਜ਼ਾ ਸੁਣਾਈ ਅਤੇ ਅਦਾਲਤ ਉੱਥੋਂ ਚਲੇ ਗਏ। ਲਾਲੂ ਨੂੰ ਸਜ਼ਾ ਵਜੋਂ 6000 ਰੁਪਏ ਦੇਣੇ ਪੈਣਗੇ।
