ਬਠਿੰਡਾ : ਬਠਿੰਡਾ ‘ਚ ਵੀਰਵਾਰ ਰਾਤ ਖੇਤਾ ਸਿੰਘ ਬਸਤੀ ‘ਚ ਸੀਵਰੇਜ ਦੀ ਸਫਾਈ ਕਰਦੇ ਸਮੇਂ ਇਕ ਸੀਵਰੇਜ ਮੈਨ ਦੀ ਮੌਤ ਹੋ ਗਈ ਜਦਕਿ ਇਕ ਦੀ ਹਾਲਤ ਗੰਭੀਰ ਹੈ ਜਿਸ ਦਾ ਇਲਾਜ ਨਿੱਜੀ ਹਸਪਤਾਲ ‘ਚ ਚੱਲ ਰਿਹਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸੀਵਰੇਜ ਬੋਰਡ ਦੇ ਇਕ ਜੇਈ ਓਮ ਦੀ ਨਿੱਜੀ ਸ਼ਿਕਾਇਤ ‘ਤੇ ਖੇਤਾ ਸਿੰਘ ਬਸਤੀ ‘ਚ ਸੀਵਰੇਜ ਦੀ ਸਫ਼ਾਈ ਕੀਤੀ ਜਾ ਰਹੀ ਸੀ। ਇਸ ਦੌਰਾਨ ਜੇਈ ਨੇ ਇਕ ਸੀਵਰੇਜ ਮੁਲਾਜ਼ਮ ਨੂੰ ਨਿਯਮਾਂ ਦੀ ਪਾਲਣਾ ਕਰਨ ਲਈ ਕਿਹਾ। ਨਿਯਮਾਂ ਨੂੰ ਤਾਕ ‘ਤੇ ਰੱਖਦੇ ਹੋਏ ਕਰਮਚਾਰੀ ਸੀਵਰੇਜ ‘ਚ ਹੇਠਾਂ ਉਤਰ ਗਿਆ ਜਿਸ ਕਾਰਨ ਉਸ ਦੀ ਹਾਲਤ ਗੰਭੀਰ ਹੋਣ ‘ਤੇ ਜੇਈ ਨੇ ਉਸ ਨੂੰ ਬਚਾਉਣ ਲਈ ਇਕ ਹੋਰ ਸੀਵਰੇਜ ਕਰਮਚਾਰੀ ਨੂੰ ਵੀ ਵਿਚ ਉਤਾਰ ਦਿੱਤਾ।
ਗੈਸ ਚੜ੍ਹਨ ਕਾਰਨ ਉਸ ਦੀ ਹਾਲਤ ਵੀ ਨਾਜ਼ੁਕ ਹੋ ਗਈ, ਜਿਸ ਤੋਂ ਬਾਅਦ ਉਸ ਨੂੰ ਤੁਰੰਤ ਸੀਵਰੇਜ ‘ਚੋਂ ਕੱਢ ਕੇ ਇਲਾਜ ਲਈ ਨਿੱਜੀ ਹਸਪਤਾਲ ‘ਚ ਦਾਖਲ ਕਰਵਾਇਆ ਗਿਆ, ਜਿੱਥੇ ਸੀਵਰੇਜਮੈਨ ਸੂਰਜ ਦੀ ਮੌਤ ਹੋ ਗਈ, ਜਦਕਿ ਦੂਜੇ ਸੀਵਰੇਜਮੈਨ ਬਬਲੂ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ।
