ਪਾਨੀਪਤ, 13 ਅਗਸਤ (ਦਲਜੀਤ ਸਿੰਘ)- ਟੋਕਿਓ ਓਲੰਪਿਕ ‘ਚ ਨੀਰਜ ਚੋਪੜਾ ਵੱਲੋਂ ਗੋਲਡ ਜਿੱਤਣ ਮਗਰੋਂ ਦੇਸ਼ ਦੇ ਵੱਖ-ਵੱਖ ਲੀਡਰ ਨੀਰਜ ਚੋਪੜਾ ਦੇ ਪਿੰਡ ਪਹੁੰਚ ਕੇ ਉਸ ਦੇ ਪਰਿਵਾਰ ਨੂੰ ਵਧਾਈ ਦੇ ਰਹੇ ਹਨ। ਇਸ ਲੜੀ ‘ਚ ਅੱਜ ਕਿਸਾਨ ਲੀਡਰ ਰਾਕੇਸ਼ ਟਿਕੈਤ ਵੀ ਨੀਰਜ ਚੋਪੜਾ ਦੇ ਘਰ ਉਨ੍ਹਾਂ ਨੂੰ ਵਧਾਈ ਦੇਣ ਪਹੁੰਚੇ। ਕਿਸਾਨ ਲੀਡਰ ਰਾਕੇਸ਼ ਟਿਕੈਤ ਨੇ ਨੀਰਜ ਦੀ ਸਫ਼ਲਤਾ ਤੇ ਉਨ੍ਹਾਂ ਦੇ ਪਰਿਵਾਰ ਨੂੰ ਸਨਮਾਨਤ ਕੀਤਾ।
ਰਾਕੇਸ਼ ਲੀਡਰ ਨੇ ਕਿਹਾ, ‘ਨੀਰਜ ਦੇਸ਼ ਲਈ ਚੰਗਾ ਖੇਡਿਆ ਹੈ ਤੇ ਦੇਸ਼ ਦਾ ਮਾਣ ਹੈ। ਇਸ ਲਈ ਉਸ ਉਸ ਦੇ ਪਰਿਵਾਰ, ਪਿੰਡ ਨੂੰ ਪੂਰੇ ਪਾਨੀਪਤ ਨੂੰ ਵਧਾਈ ਦੇਣਗੇ। ਉਨ੍ਹਾਂ ਕਿਹਾ ਨੌਜਵਾਨਾਂ ਨੂੰ ਨੀਰਜ ਤੋਂ ਸਿੱਖਿਆ ਲੈਣੀ ਚਾਹੀਦੀ ਹੈ। ਜਦੋਂ ਨੀਰਜ ਪਿੰਡ ‘ਚ ਦਾਖਲ ਹੋਵੇ ਤਾਂ ਜ਼ੋਰ-ਸ਼ੋਰ ਤੇ ਢੋਲ ਨਗਾਰਿਆਂ ਨਾਲ ਉਨ੍ਹਾਂ ਦਾ ਸੁਆਗਤ ਕਰਨਾ ਚਾਹੀਦਾ ਹੈ।’ ਰਾਕੇਸ਼ ਟਿਕੈਤ ਨੇ ਕਿਹਾ ਪਿੰਡ ਦੇ ਬੱਚਿਆਂ ਨੂੰ ਚੰਗੀ ਟ੍ਰੇਨਿੰਗ ਦਿੱਤੀ ਜਾਵੇ ਤਾਂ ਉਹ ਚੰਗਾ ਖੇਡ ਸਕਦਾ ਹੈ।
