ਨੈਸ਼ਨਲ ਡੈਸਕ- ਚੰਦਰਯਾਨ-3 ਨੇ ਇਤਿਹਾਸ ਰਚਦੇ ਹੋਏ ਚੰਨ ਦੀ ਸਤ੍ਹਾ ‘ਚ ਜਿੱਥੇ ਐਂਟਰੀ ਕਰ ਲਈ ਹੈ ਉਥੇ ਹੀ ਅੱਜ ਯਾਨੀ ਵੀਰਵਾਰ ਦੁਪਹਿਰ 1 ਵਜ ਕੇ 8 ਮਿੰਟ ‘ਤੇ ਚੰਦਰਯਾਨ-3 ਨੂੰ ਦੋ ਹਿੱਸਿਆਂ ‘ਚ ਵੰਡ ਦਿੱਤਾ ਗਿਆ ਹੈ। ਦਰਅਸਲ, ਪ੍ਰੋਪਲਸ਼ਨ ਮਾਡਿਊਲ ਤੋਂ ਵਿਕਰਮ ਲੈਂਡਰ ਸਫਲਤਾਪੂਰਨ ਵੱਖ ਹੋ ਗਿਆ ਹੈ। ਇਸਤੋਂ ਬਾਅਦ ਹੁਣ ਵਿਕਰਮ ਲੈਂਡਰ ਚੰਨ ਦੇ 100 ਕਿਲੋਮੀਟਰ ਖੇਤਰ ‘ਚ ਇਕੱਲਾ ਚੱਕਰ ਲਗਾਏਗਾ ਅਤੇ ਚੰਨ ‘ਤੇ ਲੈਂਡਿੰਗ ਕਰੇਗਾ।
ਇਸਰੋ ਨੇ ਵੀਰਵਾਰ ਨੂੰ ਕਿਹਾ ਕਿ ਚੰਦਰਯਾਨ-3 ਦਾ ਲੈਂਡਰ ਮਾਡਿਊਲ ਅਤੇ ਪ੍ਰੋਪਲਸ਼ਨ ਮਾਡਿਊਲ ਸਫਲਤਾਪੂਰਨ ਵੱਖ ਹੋ ਗਏ ਹਨ। ਹੁਣ ਲੈਂਡਰ ਮਾਡਿਊਲ ਸ਼ੁੱਕਰਵਾਰ ਨੂੰ ਚੰਦਰਮਾ ਦੇ ਆਲੇ-ਦੁਆਲੇ ਦੀ ਥੋੜੀ ਹੇਠਲੀ ਜਮਾਤ ‘ਚ ਉਤਰੇਗਾ। ਲੈਂਡਰ ਮਾਡਿਊਲ ‘ਚ ਲੈਂਡਰ ਅਤੇ ਰੋਵਲ ਹੁੰਦਾ ਹੈ। ਇਸਰੋ ਨੇ ਸੋਸ਼ਲ ਮੀਡੀਆ ਮੰਚ ‘ਐਕਸ’ (ਪਹਿਲਾਂ ਟਵਿਟਰ) ‘ਤੇ ਲਿਖਿਆ ਕਿ ਲੈਂਡਰ ਮਾਡਿਊਲ ਨੇ ਕਿਹਾ, ਯਾਤਰਾ ਲਈ ਧੰਨਵਾਦ ਦੋਸਤ। ਲੈਂਡਰ ਮਾਡਿਊਲ, ਪ੍ਰੋਪਲਸ਼ਨ ਮਾਡਿਊਲ ਤੋਂ ਸਫਲਤਾਪੂਰਨ ਵੱਖ ਹੋ ਗਿਆ ਹੈ। ਕੱਲ੍ਹ ਲੈਂਡਰ ਮਾਡਿਊਲ ਦੇ ਭਾਰਤੀ ਸਮੇਂ ਅਨੁਸਾਰ ਕਰੀਬ ਚਾਰ ਵਜੇ ਡੀਬੂਸਟਿੰਗ (ਸਲੋ ਕਰਨ ਦੀ ਪ੍ਰਕਿਰਿਆ) ‘ਚੋਂ ਲੰਘਦੇ ਹੋਏ ਚੰਦਰਮਾ ਦੀ ਥੋੜੀ ਹੇਠਲੀ ਜਮਾਤ ‘ਚ ਉਤਰਨ ਦੀ ਸੰਭਾਵਨਾ ਹੈ।
