ਮਾਨਸਾ: ਹਰਿਆਣਾ ਦੇ ਨਾਲ ਲੱਗਦੇ ਪੰਜਾਬ ਦੇ ਹਲਕਾ ਸਰਦੂਲਗੜ੍ਹ ਦੇ ਪਿੰਡ ਝੰਡਾ ਖੁਰਦ ’ਚ ਵੀ ਬੀਤੀ ਰਾਤ ਘੱਗਰ ਅੰਦਰ ਪਾੜ ਪੈਣ ਕਾਰਨ ਸੈਂਕੜੇ ਏਕੜ ਕਿਸਾਨਾਂ ਦੀ ਫ਼ਸਲ ਪਾਣੀ ’ਚ ਡੁੱਬ ਗਈ ਹੈ। ਇਸ ਪਾੜ ਦੇ ਪੈਣ ਬਾਅਦ ਪਹਿਲਾਂ ਹੀ ਫ਼ਿਕਰਮੰਦ ਹੋਏ ਲੋਕ ਹੋਰ ਪ੍ਰੇਸ਼ਾਨ ਹੋ ਗਏ ਹਨ ਅਤੇ ਉਨ੍ਹਾਂ ਦੀਆਂ ਫ਼ਸਲਾਂ ਪੂਰ੍ਹੀ ਤਰ੍ਹਾਂ ਨੁਕਸਾਨੀਆਂ ਗਈਆਂ ਹਨ। ਇੱਥੇ ਜ਼ਿਕਰਯੋਗ ਹੈ ਕਿ ਇਸ ਦੇ ਪਹਿਲਾਂ ਵੀ ਝੰਡਾ ਖੁਰਦ ਤੇ ਰੋੜਕੀ ਦੀ ਹੱਦ ’ਤੇ ਘੱਗਰ ਵਿੱਚ ਪਾੜ ਪੈ ਗਿਆ ਸੀ, ਹਾਲਾਂਕਿ ਉਸ ਪਾੜ ਨੂੰ ਕੁਝ ਲੋਕਾਂ ਵੱਲੋਂ ਇਕ ਲੋਕਾਂ ਦਾ ਨਿੱਜੀ ਪਾੜ ਕਿਹਾ ਜਾ ਰਿਹਾ ਸੀ ਅਤੇ ਮੁੱਖ ਬੰਨ੍ਹ ਠੀਕ ਹੋਣ ਦੀ ਗੱਲ ਕਹੀ ਜਾ ਰਹੀ ਸੀ।
ਪਰ ਉਸ ਦੇ ਨਾਲ ਵੀ ਵਾਰਡ ਨੰਬਰ. 5 ਨੰਬਰ ਵਾਰਡ ਤਕ ਦੇ ਲੋਕ ਪ੍ਰਭਾਵਿਤ ਹੋਏ ਹਨ। ਭਾਵੇਂ ਕਿ ਪ੍ਰਸ਼ਾਸਨ ਵੱਲੋਂ ਪੁਖ਼ਤਾ ਪ੍ਰਬੰਧਾਂ ਦੇ ਦਾਅਵੇ ਕੀਤੇ ਜਾ ਰਹੇ ਹਨ, ਪਰ ਇਹ ਦਾਅਵਿਆਂ ਨੂੰ ਵਾਰ ਵਾਰ ਪੈ ਰਹੇ ਘੱਗਰ ਪਾੜਾਂ ਦੇ ਬਾਅਦ ਡੁੱਬ ਰਹੀ ਕਿਸਾਨਾਂ ਦੀ ਫ਼ਸਲ ਖੋਖਲੇ ਸਿੱਧ ਕਰ ਰਹੀ ਹੈ। ਇੱਕ ਪਾਸੇ ਸਰਦੂਲਗੜ੍ਹ ’ਚ ਲਗਾਤਾਰ ਪਾੜ ਪੈਣ ਕਾਰਨ ਖ਼ਤਰਾ ਵੱਧਦਾ ਜਾ ਰਿਹਾ ਹੈ, ਜਦੋਂਕਿ ਦੂਜੇ ਪਾਸੇ ਚਾਂਦਪੁਰਾ ਬੰਨ੍ਹ ਦੇ ਟੁੱਟ ਜਾਣ ਦੇ ਕਾਰਨ ਹਰਿਆਣਾ ਦੇ ਕੁੱਝ ਪਿੰਡਾਂ ਚਾਂਦਪੁਰਾ, ਸਿਧਾਨੀ, ਬੱਬਨਪੁਰ, ਬਾਦਲਗੜ੍ਹ ‘ਚ ਪਾਣੀ ਭਰ ਚੁੱਕੇ ਹੋਣ ਦੇ ਬਾਅਦ ਪੰਜਾਬ ਦੇ ਕੁਲਰੀਆਂ, ਗੋਰਖਨਾਥ, ਚੱਕ ਅਲੀਸ਼ੇਰ, ਬੀਰੇਵਾਲਾ ਡੋਗਰਾ ਆਦਿ ਪਿੰਡ ਇਸ ਪਾਣੀ ਦੀ ਲਪੇਟ ‘ਚ ਆ ਗਏ ਹਨ ਅਤੇ ਅੱਜ ਹੋਰ ਪਿੰਡਾਂ ਦੇ ਇਸ ਦੀ ਲਪੇਟ ’ਚ ਆਉਣ ਦਾ ਖ਼ਤਰਾ ਯਕੀਨੀ ਬਣਿਆ ਹੋਇਆ ਹੈ। ਇਹ ਕਿਹਾ ਜਾ ਰਿਹਾ ਹੈ ਕਿ ਬੁਢਲਾਡਾ ਰਤੀਆ ਰੋਡ ’ਤੇ ਇਹ ਪਾਣੀ ਬਹੁਤ ਜ਼ਿਆਦਾ ਜਲਦੀ ਪਹੁੰਚ ਜਾਵੇਗਾ।
