ਲਹਿਰਾਗਾਗਾ, 3 ਨਵੰਬਰ- ਪਿੰਡ ਖੰਡੇਬਾਦ ਵਿੱਚ ਕਣਕ ਦੀ ਬਿਜਾਈ ਕਰਦੇ ਸਮੇਂ ਰੋਟਾਵੇਟਰ ਵਿਚ ਆਉਣ ਕਾਰਨ ਕਿਸਾਨ ਦੀ ਮੌਤ ਹੋ ਗਈ। 42 ਸਾਲਾ ਹਰਵਿੰਦਰ ਸਿੰਘ ਉਰਫ ਛੱਜੂ ਪੁੱਤਰ ਹਰਨੇਕ ਸਿੰਘ ਆਪਣੇ ਖੇਤ ਵਿੱਚ ਰੋਟਾਵੇਟਰ ਰਾਹੀਂ ਕਣਕ ਦੀ ਬਿਜਾਈ ਕਰ ਰਿਹਾ ਸੀ, ਜਦੋਂ ਉਸ ਨੇ ਪਹਿਲੇ ਡਰਾਇਵਰ ਨੂੰ ਚਾਹ ਪਿਆਉਣ ਲਈ ਰੋਕਿਆ ਅਤੇ ਆਪ ਬਿਜਾਈ ਕਰਨ ਲਈ ਚੜ੍ਹਨ ਲੱਗਿਆ ਤਾਂ ਅਚਾਨਕ ਹਰਵਿੰਦਰ ਸਿੰਘ ਛੱਜੂ ਟਰੈਕਟਰ ਥੱਲੇ ਆ ਗਿਆ ਅਤੇ ਬਾਅਦ ਵਿੱਚ ਰੋਟਾਵੇਟਰ ਦੀਆਂ ਛੁਰੀਆਂ ਉਸ ਦੇ ਸਰੀਰ ਉੱਤੇ ਲੱਗੀਆਂ।
ਪਿੰਡ ਦੇ ਮੋਹਤਬਰਾਂ ਸਰਪੰਚ ਕਾਮਰੇਡ ਸਤਵੰਤ ਸਿੰਘ, ਬਲਜਿੰਦਰ ਸਿੰਘ ਸਾਬਕਾ ਪੰਚ, ਬਲਵਿੰਦਰ ਸਿੰਘ ਪੰਚ, ਰੋਸ਼ਾ ਸਿੰਘ, ਗੋਰਾ ਸਿੰਘ ਪਰਿਵਾਰ ਲਈ ਆਰਥਿਕ ਮਦਦ ਦੀ ਮੰਗ ਕੀਤੀ ਹੈ।
