ਮਾਤਾ ਵੈਸ਼ਨੋ ਦੇਵੀ ਜਾਣ ਵਾਲੇ ਸ਼ਰਧਾਲੂਆਂ ਲਈ ਜ਼ਰੂਰੀ ਖ਼ਬਰ ! ਕਟੜਾ ਲਈ ਚੱਲੇਗੀ ਵਿਸ਼ੇਸ਼ ਟ੍ਰੇਨ

ਨਵੀਂ ਦਿੱਲੀ : ਮਾਤਾ ਵੈਸ਼ਨੋ ਦੇਵੀ ਜਾਣ ਵਾਲੀਆਂ ਟ੍ਰੇਨਾਂ ’ਚ ਇਨ੍ਹੀਂ ਦਿਨੀਂ ਭੀੜ ਦੇਖਣ ਨੂੰ ਮਿਲਦੀ ਹੈ। ਕੰਫਰਮ ਟਿਕਟ ਮਿਲਣੀ ਮੁਸ਼ਕਲ ਹੈ। ਇਸ ਤੋਂ ਪਰੇਸ਼ਾਨ ਯਾਤਰੀਆਂ ਦੀ ਸਹੂਲਤ ਲਈ ਰੇਲਵੇ ਨੇ ਨਵੀਂ ਦਿੱਲੀ ਤੋਂ ਮਾਤਾ ਵੈਸ਼ਨੋ ਦੇਵੀ ਕਟੜਾ ਵਿਚਾਲੇ ਗਤੀ ਸ਼ਕਤੀ ਵਿਸ਼ੇਸ਼ ਟ੍ਰੇਨ (04071/04072) ਚਲਾਉਣ ਦਾ ਫ਼ੈਸਲਾ ਕੀਤਾ ਹੈ। ਨਵੀਂ ਦਿੱਲੀ ਤੋਂ ਇਹ ਵਿਸ਼ੇਸ਼ ਟ੍ਰੇਨ 7 ਅਪ੍ਰੈਲ ਨੂੰ ਰਾਤ 11.15 ਵਜੇ ਚੱਲ ਕੇ ਅਗਲੇ ਦਿਨ ਸਵੇਰੇ 11.25 ਵਜੇ ਕਟੜਾ ਪੁੱਜੇਗੀ। ਵਾਪਸੀ ’ਚ 9 ਅਪ੍ਰੈਲ ਨੂੰ ਕਟੜਾ ਤੋਂ ਸ਼ਾਮ 6.10 ਵਜੇ ਰਵਾਨਾ ਹੋ ਕੇ ਅਗਲੇ ਦਿਨ ਸਵੇਰੇ 6.40 ਵਜੇ ਨਵੀਂ ਦਿੱਲੀ ਪੁੱਜੇਗੀ। ਰਸਤੇ ’ਚ ਇਸ ਦਾ ਠਹਿਰਾਅ ਸੋਨੀਪਤ, ਪਾਨੀਪਤ, ਕਰਨਾਲ, ਕੁਰੂਕਸ਼ੇਤਰ, ਅੰਬਾਲਾ ਛਾਉਣੀ, ਲੁਧਿਆਣਾ, ਜਲੰਧਰ ਛਾਉਣੀ, ਪਠਾਨਕੋਟ ਛਾਉਣੀ, ਜੰਮੂਤਵੀ ਤੇ ਊਧਮਪੁਰ ਰੇਲਵੇ ਸਟੇਸ਼ਨਾਂ ’ਤੇ ਹੋਵੇਗਾ।