ਐੱਸ. ਏ. ਐੱਸ. ਨਗਰ, 30 ਜੁਲਾਈ (ਦਲਜੀਤ ਸਿੰਘ)- ਪੰਜਾਬ ਸਕੂਲ ਸਿੱਖਿਆ ਬੋਰਡ ਵਲੋਂ ਅੱਜ 12ਵੀਂ ਜਮਾਤ ਦਾ ਨਤੀਜਾ ਐਲਾਨ ਦਿੱਤਾ ਗਿਆ ਹੈ। ਬੋਰਡ ਦੇ ਚੇਅਰਮੈਨ ਡਾ. ਯੋਗਰਾਜ ਵਲੋਂ ਨਤੀਜੇ ਦਾ ਐਲਾਨ ਕੀਤਾ ਗਿਆ। 12ਵੀਂ ਸ਼੍ਰੇਣੀ ਦੀ ਸਲਾਨਾ ਪ੍ਰੀਖਿਆ ਦਾ ਰੈਗੂਲਰ ਵਿਿਦਆਰਥੀਆਂ ਦਾ 96.48 ਫ਼ੀਸਦੀ ਨਤੀਜਾ ਰਿਹਾ | ਲੜਕੀਆਂ ਦੀਆਂ 97.34 ਫ਼ੀਸਦੀ ਹੈ | ਲੜਕਿਆਂ ਦੀ ਪਾਸ ਫ਼ੀਸਦੀ 95.74 ਬਣਦੀ ਹੈ। ਵਿਿਦਆਰਥੀ ਕੱਲ੍ਹ ਨੂੰ ਬੋਰਡ ਦੀ ਵੈਬਸਾਈਟ ਉਤੇ ਆਪਣਾ ਨਤੀਜਾ ਦੇਖ ਸਕਣਗੇ |
ਪੰਜਾਬ ਸਕੂਲ ਸਿੱਖਿਆ ਬੋਰਡ 12ਵੀਂ ਸ਼੍ਰੇਣੀ ਦੀ ਓਪਨ ਸਕੂਲ ਪ੍ਰੀਖਿਆ 92.75 ਨਤੀਜਾ ਫ਼ੀਸਦੀ ਰਿਹਾ | 12ਵੀਂ ਸ਼੍ਰੇਣੀ ਦੀ ਸਾਲਾਨਾ ਪ੍ਰੀਖਿਆ ਮਾਰਚ 2021 ਕਾਮਰਸ ਗਰੁੱਪ ਦਾ ਪਾਸ ਫ਼ੀਸਦੀ 94.87 ਰਿਹਾ, ਹਿਊਮੈਨਟੀਜ ਗਰੁੱਪ ਦਾ 97.10 ਫ਼ੀਸਦੀ ਰਿਹਾ, ਸਾਇੰਸ ਗਰੁੱਪ ਦਾ 94 ਫ਼ੀਸਦੀ ਰਿਹਾ, ਵੋਕੇਸ਼ਨਲ ਗਰੁੱਪ ਦਾ 98.51 ਫ਼ੀਸਦੀ ਰਿਹਾ | ਪਾਸ ਫ਼ੀਸਦੀ ਵਿਚ ਰੂਪ ਨਗਰ ਜ਼ਿਲ੍ਹਾ 99.57 ਫ਼ੀਸਦੀ ਨਾਲ ਪਹਿਲੇ ਸਥਾਨ ‘ਤੇ ਰਿਹਾ | 22,175 ਪ੍ਰੀਖਿਆਰਥੀ 90 ਫ਼ੀਸਦੀ ਤੋਂ ਉੱਪਰ ਅੰਕ ਲੈਣ ਵਿਚ ਸਫਲ ਰਹੇ ਹਨ |
