ਲੰਡਨ ਵਿੱਚ ਭੈਣ ਤੇ ਭੂਆ ਨਾਲ ਘੁੰਮਦੀ ਨਜ਼ਰ ਆਈ ਕਰੀਨਾ

ਲੰਡਨ: ਅਦਾਕਾਰਾ ਕਰੀਨਾ ਕਪੂਰ ਨੇ ਆਪਣੀ ਭੈਣ ਕ੍ਰਿਸ਼ਮਾ ਕਪੂਰ ਅਤੇ ਭੂਆ ਰੀਮਾ ਜੈਨ ਸਣੇ ਆਪਣੀਆਂ ਸਹੇਲੀਆਂ ਨਾਲ ਲੰਡਨ ਵਿੱਚ ਬਿਤਾਏ ਕੁਝ ਪਲਾਂ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। ਅਦਾਕਾਰਾ ਨੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਆਪਣੀ ਲੰਡਨ ਫੇਰੀ ਦੀਆਂ ਇਹ ਤਸਵੀਰਾਂ ਪਾਈਆਂ ਹਨ, ਜਿਨ੍ਹਾਂ ਵਿੱਚ ਉਹ ਆਪਣੀ ਭੂਆ ਰੀਮਾ ਜੈਨ ਤੇ ਹੋਰਨਾਂ ਨਾਲ ਦਿਖਾਈ ਦੇ ਰਹੀ ਹੈ। ਇਸ ਤਸਵੀਰ ਨਾਲ ਕਰੀਨਾ ਨੇ ਆਖਿਆ, ਲੌਂਚਿੰਗ ਵਿੱਦ ਦਿ ਲੇਡੀਜ਼ ਜ਼ਿਕਰਯੋਗ ਹੈ ਕਿ ਅਦਾਕਾਰਾ ਇਸ ਵੇਲੇ ਲੰਡਨ ਵਿੱਚ ਹੰਸਲ ਮਹਿਤਾ ਦੀ ਫਿਲਮ ਦੀ ਸ਼ੂਟਿੰਗ ਵਿੱਚ ਰੁੱਝੀ ਹੋਈ ਹੈ, ਜਿਸ ਵਿੱਚੋਂ ਮਿਲੇ ਕੁਝ ਫੁਰਸਤ ਦੇ ਪਲ ਉਸ ਨੇ ਆਪਣੇ ਰਿਸ਼ਤੇਦਾਰਾਂ ਨਾਲ ਬਿਤਾਏ ਹਨ। ਇਸ ਪ੍ਰਾਜੈਕਟ ਵਿੱਚ ਹੰਸਲ ਮਹਿਤਾ ਨਾਲ ਏਕਤਾ ਕਪੂਰ ਦੀ ਵੀ ਹਿੱਸੇਦਾਰੀ ਹੈ।