ਬੀਤੀ ਰਾਤ ਲੁਟੇਰੇ ਘਰ ‘ਚੋਂ ਸੋਨਾ, ਨਕਦੀ ਸਭ ਕੁਝ ਲੁੱਟ ਕੇ ਫ਼ਰਾਰ

ਖੇਮਕਰਨ, 25 ਅਗਸਤ – ਖੇਮਕਰਨ ਸ਼ਹਿਰ ਦੀ ਸੰਘਣੀ ਆਬਾਦੀ ‘ਚ ਬੀਤੀ ਰਾਤ ਇਕ ਵਜੇ ਬਜ਼ੁਰਗ ਸੁਨਿਆਰੇ ਦੀਦਾਰ ਸਿੰਘ ਦੇ ਘਰ ਕਰੀਬ ਪੰਜ ਨਕਾਬਪੋਸ਼ ਹਥਿਆਰ ਬੰਦ ਲੁਟੇਰੇ ਛੱਤ ਰਾਹੀਂ ਦਾਖ਼ਲ ਹੋਏ ਤੇ ਜ਼ਬਰਦਸਤੀ ਘਰ ‘ਚੋਂ ਸੋਨਾ, ਨਕਦੀ ਸਭ ਕੁਝ ਲੁੱਟ ਲੈ ਕੇ ਜਾਣ ਦੀ ਘਟਨਾ ਵਾਪਰੀ ਹੈ, ਜਿਸ ਕਾਰਨ ਸ਼ਹਿਰ ‘ਚ ਸਹਿਮ ਵਰਗਾ ਮਾਹੌਲ ਬਣਿਆ ਹੈ। ਲੁਟੇਰੇ ਜਾਂਦੇ ਸਮੇਂ ਬਜ਼ੁਰਗ ਨੂੰ ਜ਼ਖ਼ਮੀ ਕਰਕੇ ਉਨ੍ਹਾਂ ਨੂੰ ਘਰ ਬੰਦ ਕਰਕੇ ਪੁਲਿਸ ਨੂੰ ਸੂਚਨਾ ਨਾ ਦੇਣ ਦੀਆਂ ਧਮਕੀਆਂ ਦੇ ਕੇ ਘਰ ਦਾ ਮੇਨ ਗੇਟ ਖੋਲ੍ਹ ਕੇ ਫ਼ਰਾਰ ਹੋ ਗਏ। ਸਥਾਨਕ ਪੁਲਿਸ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।