ਸ਼੍ਰੀਨਗਰ- ਜੰਮੂ ਕਸ਼ਮੀਰ ਦੇ ਕੁਲਗਾਮ ਜ਼ਿਲ੍ਹੇ ‘ਚ ਫ਼ੌਜ ਦਾ ਵਾਹਨ ਪਲਟ ਜਾਣ ਨਾਲ ਇਕ ਫ਼ੌਜ ਦਾ ਜਵਾਨ ਸ਼ਹੀਦ ਹੋ ਗਿਆ ਅਤੇ 8 ਹੋਰ ਜ਼ਖ਼ਮੀ ਹੋ ਗਏ। ਫ਼ੌਜ ਦੇ ਅਧਿਕਾਰੀਆਂ ਨੇ ਸ਼ਨੀਵਾਰ ਨੂੰ ਦੱਸਿਆ ਕਿ ਹਾਦਸਾ ਕੁਲਗਾਮ ਦੇ ਦਮਹਲ ਹੰਜੀਪੋਰਾ ‘ਚ ਸ਼ੁੱਕਰਵਾਰ ਦੇਰ ਰਾਤ ਉਦੋਂ ਹੋਈ, ਜਦੋਂ ਕੁਝ ਫ਼ੌਜੀ ਇਕ ਮੁਹਿੰਮ ਲਈ ਜਾ ਰਹੇ ਸਨ। ਉਸੇ ਦੌਰਾਨ ਉਨ੍ਹਾਂ ਦਾ ਵਾਹਨ ਦਮਹਲ ਹਾਂਜੀਪੋਰਾ ‘ਚ ਫਿਸਲ ਕੇ ਪਲਟ ਗਿਆ।
ਇਸ ‘ਚ ਇਕ ਫ਼ੌਜੀ ਸ਼ਹੀਦ ਹੋ ਗਿਆ ਅਤੇ 8 ਫ਼ੌਜੀ ਜ਼ਖ਼ਮੀ ਹੋ ਗਏ। ਜ਼ਖ਼ਮੀ ਫ਼ੌਜੀਆਂ ਨੂੰ ਤੁਰੰਤ ਹਸਪਤਾਲ ‘ਚ ਦਾਖ਼ਲ ਕਰਵਾਇਆ ਗਿਆ ਹੈ, ਜਿੱਥੇ ਉਨ੍ਹਾਂ ਦੀ ਹਾਲਤ ਸਥਿਰ ਹੈ। ਫਿਲਹਾਲ ਸ਼ਹੀਦ ਫ਼ੌਜੀ ਦੀ ਪਛਾਣ ਨਹੀਂ ਹੋ ਸਕੀ ਹੈ। ਸ਼੍ਰੀਨਗਰ ਸਥਿਤ ਚਿਨਾਰ ਕੋਰ ਨੇ ‘ਐਕਸ’ ‘ਤੇ ਲਿਖਿਆ,”25 ਅਕਤੂਬਰ ਦੀ ਰਾਤ, ਕੁਲਗਾਮ ਜ਼ਿਲ੍ਹੇ ‘ਚ ਇਕ ਮੁਹਿੰਮ ਦੌਰਾਨ ਫ਼ੌਜ ਦਾ ਵਾਹਨ ਫਿਸਲ ਕੇ ਪਲਟ ਗਿਆ।”
