ਜਲੰਧਰ- ਜਲੰਧਰ ਵਿਚ ਬਸਤੀ ਬਾਵਾ ਖੇਲ ਦੀ ਨਹਿਰ ਵਿਚੋਂ ਇਕ ਬੱਚੀ ਦੀ ਲਾਸ਼ ਮਿਲਣ ਨਾਲ ਸਨਸਨੀ ਫੈਲ ਗਈ। ਲੋਕਾਂ ਵੱਲੋਂ ਦੱਸਿਆ ਗਿਆ ਹੈ ਕਿ ਨਹਿਰ ਵਿਚ ਬੱਚੇ ਨਹਾ ਰਹੇ ਸਨ ਤਾਂ ਨਹਾਉਂਦੇ ਸਮੇਂ ਹੀ ਇਕ ਬੱਚੇ ਦੀ ਨਜ਼ਰ ਨਹਿਰ ਵਿਚ ਪਾਣੀ ਵਿਚ ਇਕ ਸਾਈਡ ‘ਤੇ ਅਟਕੀ ਇਕ ਮ੍ਰਿਤਕ ਬੱਚੀ ‘ਤੇ ਪਈ। ਇਸ ਦੌਰਾਨ ਮੌਕੇ ਉਤੇ ਦਹਿਸ਼ਤ ਦਾ ਮਾਹੌਲ ਬਣ ਗਿਆ।
ਮੌਕੇ ਉਤੇ ਲੋਕਾਂ ਵੱਲੋਂ ਨਹਾ ਰਹੇ ਬੱਚਿਆਂ ਨੂੰ ਬਾਹਰ ਕੱਢਿਆ ਗਿਆ ਅਤੇ ਸਬੰਧਤ ਥਾਣੇ ਨੂੰ ਸੂਚਨਾ ਦਿੱਤੀ ਗਈ। ਉਥੇ ਹੀ ਪੁਲਸ ਵੱਲੋਂ ਪਹੁੰਚ ਕੇ ਲਾਸ਼ ਦੀ ਪਛਾਣ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਪਛਾਣ ਨਹੀਂ ਹੋ ਸਕੀ। ਬੱਚੀ ਕਰੀਬ 6 ਮਹੀਨਿਆਂ ਦੀ ਦੱਸੀ ਜਾ ਰਹੀ ਹੈ। ਪੁਲਸ ਵੱਲੋਂ ਕਿਹਾ ਗਿਆ ਇਹ ਬਹੁਤ ਹੀ ਸ਼ਰਮਨਾਕ ਘਟਨਾ ਹੈ ਕਿ ਅੱਜ ਪਹਿਲੇ ਨਰਾਤੇ ਵਿਚ ਅਜਿਹੀ ਘਿਣਾਉਣੀ ਹਰਕਤ ਕੀਤੀ ਗਈ ਹੈ।
