ਚੰਡੀਗੜ੍ਹ। ਭਾਜਪਾ ਆਗੂ ਤੇ ਕੇਂਦਰੀ ਮੰਤਰੀ ਪੀਊਸ਼ ਗੋਇਲ ਨੇ ਚੰਡੀਗੜ੍ਹ ਸਥਿਤ ਪਾਰਟੀ ਦਫ਼ਤਰ ਵਿੱਚ ਪ੍ਰੈਸ ਕਾਨਫਰੰਸ ਕੀਤੀ। ਇਸ ਦੌਰਾਨ ਉਨ੍ਹਾਂ ਚੰਡੀਗੜ੍ਹ ਤੋਂ ਕਾਂਗਰਸੀ ਉਮੀਦਵਾਰ ਮਨੀਸ਼ ਤਿਵਾੜੀ ‘ਤੇ ਨਿਸ਼ਾਨਾ ਸਾਧਿਆ। ਉਨ੍ਹਾਂ ਕਿਹਾ ਕਿ ਮਨੀਸ਼ ਤਿਵਾੜੀ ਨੂੰ ਸ਼ਾਇਦ ਇਕ ਵੋਟ ਦੀ ਅਹਿਮੀਅਤ ਨਹੀਂ ਪਤਾ।
ਉਨ੍ਹਾਂ ਕਿਹਾ, ‘ਕਾਂਗਰਸ ਉਮੀਦਵਾਰ ਮਨੀਸ਼ ਤਿਵਾੜੀ ਦੀ ਵੋਟ ਲੁਧਿਆਣਾ ਵਿੱਚ ਹੈ। ਉਥੇ ਉਹ ਕਾਂਗਰਸ ਨੂੰ ਜਾਂ ਤੁਹਾਨੂੰ ਵੋਟ ਪਾਉਣਗੇ? ਇਹ ਉਨ੍ਹਾਂ ਦੀ ਆਪਣੀ ਰਾਏ ਹੈ। ਹਾਲਾਂਕਿ ਕਲਪਨਾ ਕਰੋ ਪਿਛਲੀਆਂ ਚੋਣਾਂ ਵਿੱਚ ਜਿਸ ਵਿਅਕਤੀ ਨੇ ਵੋਟ ਨਾ ਪਾਈ ਹੋਵੇ। ਲੋਕਤੰਤਰ ਦੀ ਇੰਨੀ ਅਹਿਮ ਜ਼ਿੰਮੇਵਾਰੀ ਨਹੀਂ ਨਿਭਾਈ ਗਈ। ਉਹ ਚੰਡੀਗੜ੍ਹ ਦੇ ਲੋਕਾਂ ਦਾ ਭਲਾ ਕਿਵੇਂ ਕਰਨਗੇ।
ਉਹ ਚੰਡੀਗੜ੍ਹ ਦੇ ਲੋਕਾਂ ਨੂੰ ਵੋਟ ਪਾਉਣ ਲਈ ਕਿਵੇਂ ਕਹਿਣਗੇ? ਜੇ ਉਹ ਆਪ ਹੀ ਵੋਟ ਨਹੀਂ ਪਾਉਂਦੇ ਤਾਂ ਕੋਈ ਉਨ੍ਹਾਂ ਦੀ ਗੱਲ ਕਿਵੇਂ ਸੁਣੇਗਾ। ਚੰਡੀਗੜ੍ਹ ਲਈ ਇਮਾਨਦਾਰੀ ਨਾਲ ਕੰਮ ਕਰਨ ਲਈ ਲੋਕ ਉਨ੍ਹਾਂ ‘ਤੇ ਭਰੋਸਾ ਕਿਵੇਂ ਕਰਨਗੇ ਜਦੋਂ ਉਹ ਖੁਦ ਹੀ ਇੰਨੇ ਲਾਪਰਵਾਹ ਹਨ।
ਉਨ੍ਹਾਂ ਅੱਗੇ ਕਿਹਾ ਕਿ ਸੀਪੀ ਜੋਸ਼ੀ ਇੱਕ ਵੋਟ ਨਾਲ ਚੋਣ ਹਾਰ ਗਏ ਸਨ। ਅਟਲ ਬਿਹਾਰੀ ਵਾਜਪਾਈ ਦੀ ਸਰਕਾਰ ਇੱਕ ਵੋਟ ਨਾਲ ਡਿੱਗ ਗਈ ਸੀ। ਜੇ ਉਹ ਲੁਧਿਆਣੇ ਜਾ ਕੇ ਆਪਣੀ ਵੋਟ ਨਹੀਂ ਪਾਉਂਦੇ ਤਾਂ ਸੰਭਵ ਹੈ ਕਿ ਉੱਥੇ ਕਾਂਗਰਸ ਜਾਂ ‘ਆਪ’ ਦਾ ਉਮੀਦਵਾਰ ਇੱਕ ਵੋਟ ਨਾਲ ਹਾਰ ਜਾਵੇ। ਚੰਡੀਗੜ੍ਹ ਤੋਂ ਬਾਅਦ ਉਹ ਲੁਧਿਆਣਾ ਜਾ ਰਹੇ ਹਨ ਤੇ ਉਥੋਂ ਦੇ ਲੋਕਾਂ ਤੋਂ ਪੁੱਛਣਗੇ ਕਿ ਮਨੀਸ਼ ਤਿਵਾੜੀ ਵੱਲੋਂ ਵੋਟ ਨਾ ਪਾਉਣ ‘ਤੇ ਉਨ੍ਹਾਂ ਦੀ ਕੀ ਰਾਏ ਹੈ।
ਪੀਊਸ਼ ਗੋਇਲ ਇੱਥੇ ਹੀ ਨਹੀਂ ਰੁਕੇ ਤੇ ਅੱਗੇ ਕਿਹਾ ਕਿ ਲੁਧਿਆਣਾ ਤੇ ਆਨੰਦਪੁਰ ਸਾਹਿਬ ‘ਚ ਘਰ-ਘਰ ਭਟਕ ਕੇ ਚੰਡੀਗੜ੍ਹ ਪਹੁੰਚੇ ਵਿਅਕਤੀ ‘ਤੇ ਭਰੋਸਾ ਕਰਨਾ ਮੁਸ਼ਕਿਲ ਹੈ। ਉਨ੍ਹਾਂ ਕਿਹਾ ਕਿ ਚੰਡੀਗੜ੍ਹ ‘ਚ ਕਾਂਗਰਸ ਤੇ ‘ਆਪ’ ਗਠਜੋੜ ਕਰਕੇ ਦੋਸਤੀ ਨਿਭਾਅ ਰਹੇ ਹਨ, ਜਦਕਿ ਪੰਜਾਬ ‘ਚ ਉਹ ਵੱਖਰੀਆਂ ਚੋਣਾਂ ਲੜ ਰਹੇ ਹਨ |
